Itinera Electronica
Du texte à l'hypertexte

Erasme, Ciceronianus

aut



Texte latin :

[294,1683] Quanquam multum etiam afuit a Cicerone, cui materia defuit exercendae mirabilis illius eloquentiae, quam in seriis grauibusque causis Cicero praestitit.
{1684} Longolius edidit epistulas sane quam elegantes ac feliciter elaboratas, fateor, sed multas argumento perquam humili, plures affectato, quod genus uidentur aliquot epistulae Plinii iunioris.
{1685} Atqui tales non arbitror in epistularum numero ponendas.
{1686} Quid enim habent epistulae Senecae quod epistulae congruat praeter titulum ?
{1687} At in Ciceronis epistulis nihil est accersitum.
{1688} Aut de grauibus seriisque negotiis scribit ea quae coram exponeret, si licuisset, aut cum amicis absentibus de familiaribus colloquitur rebus aut de studiis confabulatur, quemadmodum solent amici praesentes inter se miscere sermonem.
{1689} Quid quod Cicero non edidit epistulas suas et quasdam uidetur scripsisse neglectius, quam loqui solitus erat ?
{1690} Unde bona pars earum, quas Tiro Ciceronis libertus collegerat, intercidit, haud, opinor, peritura, si docti eas iudicassent immortalitate dignas.
{1691} Primum igitur illa simplicitas et gratia sermonis inaffectati, deinde ueritas abest in epistulis Longolii plerisque.
{1692} Ad haec, quoniam nec eadem fuit fortuna Longolii quae Ciceronis nec eadem negotia, fit ut interdum inepta sit ac frigeat imitatio.

Traduction française :

pas encore disponible





Recherches | Texte | Lecture | Liste du vocabulaire | Index inverse | Menu | BBKL - Kirchenlexikon |

 
UCL |FLTR |Itinera Electronica |Bibliotheca Classica Selecta (BCS) |
Analyse, design et réalisation informatiques : B. Maroutaeff - J. Schumacher

Dernière mise à jour : 28/07/2003